Համաշխարհային բանկ

Համաշխարհային Բանկի ՀՀ սոցիալական պաշտպանության ոլորտի կառավարման /ՍՊՈԿ/ 2010-2012 ծրագիրը հանդիսանում է նախորդ` 2005-2009թթ ՍՊՈԿ ծրագրի տրամաբանական շարունակությունը: Ծրագրի զարգացման նպատակը զբաղվածության, կենսաթոշակային, սոցիալական աջակցության պետական ծառայությունների կողմից բնակչությանը մատուցվող ծառայությունների բարելավումն է: Ծրագրի ներդրումները հիմնականում ուղղորդված են այնպիսի գործողությունների, որոնք հնարավորություն կտան ամրապնդելու սոցիալական պաշտպանության համակարգի կառավարումը և իրականացնելու ՀՀ կառավարության կողմից արդեն իրականացված կամ ներկայումս իրականացման փուլում գտնվող ռազմավարական բարեփոխումները:

ՍՊՈԿԾ-ի նոր միջոցառումները նախատեսվում է իրականացնել հետևյալ 5 բաղադրիչների շրջանակում.

Սոցիալական պաշտպանության ոլորտի կառավարման ընդհանուր գործընթացի կատարելագործում,
Աշխատանք և զբաղվածություն,
Սոցիալական ծառայությունների ինտեգրացված համակարգի ներդրում,
Սոցիալական աջակցության բարելավում,
Ծրագրի կառավարում, մոնիթորինգ և գնահատում:

Աշխատանքի և զբաղվածության բաղադրիչի շրջանակներում նախատեսվում է իրականացնել հետևյալը.

գյուղաբնակ աշխատանք փնտրողների զբաղվածության ապահովման աջակցություն, նրանց ներգրավում զբաղվածության ծրագրերում,
աշխատանքի տեղավորման ծառայությունների կատարելագործում, մասնավորապես, գյուղաբնակ աշխատանք փնտրողների, հաշմանդամների և երիտասարդության համար,
աշխատաշուկայում մրցունակության ապահովման նպատակով` աշխատանք փնտրողների կողմնորոշման, խորհրդատվության, մասնագիտական կարողությունների բարձրացման և վերամասնագիտացման հնարավորության կատարելագործում, մասնավորապես ուսուցման, իրազեկման և խորհրդատվական ակտիվ գործունեության ծավալում, աշխատանք փնտրողների կարճաժամկետ ուսուցման համակարգի կատարելագործում,
աշխատաշուկայում տիրող իրավիճակի հստակեցում, մասնավորապես երիտասարդության զբաղվածության և հաշմանդամների աշխատանքային ինտեգրման հնարավորությունների գնահատում,
աշխատանք փնտրողների գոհունակության աճ,
զբաղվածության նոր ակտիվ ծրագրերի ներդրում, մասնավորապես մարզային/գյուղական բնակչության և երիտասարդության համար, արդյունքում` գործազրկության նվազեցում մարզային/գյուղական համայնքներում, վարչարարության, մոնիթորինգի և գնահատման համակարգերի կատարելագործում,
աշխատողների շահերի պաշտպանություն`աշխատանքային պայմանների բարելավման և դրանց նկատմամբ վերահսկողության իրականացման ճանապարհով,
աշխատանքի և աշխատավարձի ոլորտում տիրող իրավիճակի հստակեցում,
ոլորտի աշխատակիցների մասնագիտական կարողությունների բարձրացում,
հանրության, համակարգի մասնակիցների իրազեկում իրականացված բարեփոխումների վերաբերյալ:

Ձևավորումը "ՆՈՐՔ" տեղեկատվավերլուծական կենտրոնի