Կառուցվածք Օրենսդրություն Հարց - Պատասխան Լուրեր Հղումներ
  
  
  
  
  

 

Աշխատանքի ակումբ

Ի՞նչ է աշխատանքի ակումբը

 

Աշխատանքի ակումբը զբաղվածության աջակցման ծրագիր է` ուղղված աշխատանք փնտրող անձանց աշխատանքի տեղավորմանն աջակցելուն, որն իրականացվում է աշխատանք փնտրողին ակտիվացնելու ունակությունները զարգացնելու միջոցով:

 

Խնդիրները

 

Աջակցել աշխատանք փնտրողին

  • տրամադրել խորհրդատվություն և տեղեկատվություն,
  • վերլուծել և իրատեսորեն գնահատել իրավիճակը, որում հայտնվել է,
  • ձևավորել հստակ նպատակ,
  • զարգացնել աշխատանքի որոնման ունակությունները և հմտությունները,
  • բարձրացնել ինքնագնահատականը,
  • սովորել գործատուին դիմելու ընթացակարգերը:

 

Աշխատանքի ակումբում Դուք կարող եք ստանալ

 

Խորհրդատվություն

  • Գործազրկության և զբաղվածության պետական ծառայության կողմից տրվող սոցիալական երաշխիքների,
  • մասնագիտական ընտրության և մասնագիտական ուսուցման ծրագրերի,
  • ձեռնարկատիրական գործունեությամբ զբաղվելու,
  • մասնագիտական կողմնորոշման վերաբերյալ:

 

Տեղեկատվություն

  • Տեղեկություններ աշխատաշուկայի զարգացումների,
  • թափուր աշխատատեղերի,
  • զբաղվածության ամենամյա պետական ծրագրերի,
  • սոցիալական ծառայությունների հետ կապված տարբեր խնդիրների վերաբերյալ:

 

Մեր գործողություններն ուղղված են.

  • մեկուսացման, միայնության և հուսալքության դեմ,
  • կյանքի դժվարին իրավիճակներում հայտնված անձանց օգնելուն,
  • ինքնավստահությունը վերագտնելուն և հասարակական կյանքում ակտիվ մասնակցություն ունենալուն,
  • աշխատաշուկա վերադառնալուն:

 

Աշխատանքի ակումբում Դուք կգտնեք

  • աջակցություն և քաջալերանք,
  • խորհուրդներ Ձեզ հուզող տարբեր հարցերի շուրջ,
  • տեղեկություններ և գաղափարներ` ուղղված աշխատանք գտնելուն,
  • աշխատանք փնտրելու փորձ,
  • ազատ ժամանցի այլընտրանքային առաջարկություններ:

 

Աշխատանքի ակումբում աշխատանք փնտրողների համար կարող են կազմակերպվել հանդիպումներ  գործատուների, հասարակական կազմակերպությունների, զբաղված անձանց, պետական և տեղական ինքնակառավարման մարմինների ներկայացուցիչների, ինչպես նաև այլ ֆիզիկական անձանց եւ կազմակերպությունների հետ: 

 

Ձե’ր ակտիվ մասնակցությունն աշխատանքի ակումբին հաջողության հասնելու կարեւոր նախապայմանն է:

 

 

Որտե՞ղ են գործում աշխատանքի ակումբները

 

Հայաստանի Հանրապետությունում Աշխատանքի ակումբները գործում են հետևյալ բնակավայրերի զբաղվածության մարզային և տարածքային կենտրոններում.

 

Բնակավայր Հասցե '
Երևան Էրեբունի, Նուբարաշեն Խորենացու 213 57-46-80
Վանաձոր  Գ. Նժդեհի 14  0322, 2-20-59
Ալավերդի Երևանյան խճ. 5  0253, 2-27-01
Գյումրի  Մ.Մանուշյան 5/5  0312, 3-14-05
Հրազդան  Կենտրոն,
թիվ 6 մանկապարտեզ 

0223, 2-18-35
Չարենցավան 4-րդ թաղ., 18 շ. 0226, 4-20-03
Գավառ  Գրիգոր Լուսավորչի 6 0264, 2-28-82
Աբովյան Բարեկամության 1  0222, 2-44-59
Դիլիջան Մյասնիկյան 66  0268, 2-30-38
Բերդ Լևոն-Բեկի 5  0267, 2-34-17
Իջևան  Վասիլյան 2 0263, 3-11-39
Գորիս  Մ.Մաշտոցի 3 0284, 2-11-66

 

Այստեղ  զբաղվածության կենտրոնների հմուտ մասնագետները Ձեզ կլսեն, կաջակցեն և կօգնեն կողմնորոշվել:

 

Աշխատանքի ակումբի կողմից մատուցվող բոլոր ծառայություններն ԱՆՎՃԱՐ են:

 
 Ձևավորումը "ՆՈՐՔ" տեղեկատվավերլուծական կենտրոնի