Մեր մասին

"Զբաղվածության պետական ծառայություն" գործակալությունը Հայաստանի Հանրապետության աշխատանքի և սոցիալական հարցերի նախարարության առանձնացված ստորաբաժանում է, որի խնդիրը զբաղվածության կարգավորման պետական քաղաքականության իրականացումն է:

Գործակալությունն իր գործունեությունն իրականացնում է "Բնակչության զբաղվածության և գործազրկության դեպքում սոցիալական պաշտպանության մասին" ՀՀ օրենքի, գործակալության կանոնադրության և օրենքից բխող ենթաօրենսդրական ակտերի շրջանակներում:

Գործակալության հիմնական խնդիրը զբաղվածության կարգավորման պետական ծրագրերի իրականացումն է, որոնք ուղղված են բնակչության լրիվ և արդյունավետ զբաղվածության ապահովման համար պայմանների ստեղծմանը:
Հիմնական գործառույթները

• աշխատանք փնտրող անձին խորհրդատվության տրամադրում և հաշվառում,
• աջակցություն աշխատանք փնտրող անձանց աշխատանքի տեղավորման, իսկ գործատուներին՝ անհրաժեշտ մասնագիտություն և որակավորում ունեցող անձանցով ապահովելու հարցում,
• զբաղվածության տարածքային և հանրապետական ծրագրերի իրականացում,
• աշխատաշուկայում անմրցունակ խմբերին ուղղված զբաղվածության ծրագրերի իրականացում,
• աշխատաշուկայի վերլուծություն և կանխատեսում: