Ստեղծման ժամանակագրությունը

1992թ. հունվարի 27-ին ՀՀ կառավարության N 55 որոշմամբ ՀՀ աշխատանքի և սոցիալական ապահովության նախարարության կազմում ստեղծվեց Զբաղվածության պետական ծառայությունը:

1997թ. սեպտեմբերի 15-ին ՀՀ կառավարության թիվ 379 որոշմամբ Զբաղվածության պետական ծառայության ՀՀ սոցիալական ապահովության նախարարության կազմում ստեղծվեց Աշխատանքի և զբաղվածության հանրապետական ծառայությունը:

2002թ. մարտի 6-ին ՀՀ կառավարության N 200-Ն որոշմամբ ՀՀ սոցիալական ապահովության նախարարության ենթակայության զբաղվածության հանրապետական ծառայությունը և նրա մարզային ու տարածքային կենտրոնները վերակազմավորվեցին ՀՀ սոցիալական ապահովության նախարարության կազմում գործող "ՀՀ զբաղվածության ծառայություն" գործակալության` հիմնարկի առանձնացված ստորաբաժանման կարգավիճակով:

2006թ. մարտի 9-ի ՀՀ կառավարության N 301-Ն որոշմամբ "ՀՀ զբաղվածության ծառայություն" գործակալությունը վերանվանվեց "Զբաղվածության պետական ծառայություն" գործակալության: Գործակալության կառուցվածքում առանձնացվեցին մարզային կենտրոններ: