Մեր ծառայությունները
Սիրելի' հաճախորդ,
"Զբաղվածության պետական ծառայություն" գործակալությունն իր ծառայություններն է առաջարկում աշխատանք փնտրողներին և գործատուներին: Մեր ծառայությունները բոլոր հաճախորդների համար անվճար են:
Մեր խնդիրը Ձեր պահանջներին համապատասխան բարձրորակ ծառայությունների մատուցման ապահովումն է:
Ձեր վերաբերմունքը և մասնակցությունը մեր ամենօրյա աշխատանքին ողջունելի է:
Գործատուների համար
- Աշխատաշուկայի վերաբերյալ տեղեկատվության և խորհրդատվության տրամադրում
- գործատուի պահանջարկին համապատասխան մասնագետների առաջարկ
- աշխատանքի տոնավաճառի կազմակերպում
- բնակչության զբաղվածությունը խթանող ծրագրերի իրականացում:
Աշխատանք փնտրողների համար
- Խորհրդատվություն աշխատանք գտնելու հետ կապված հարցերի շուրջ
- տեղեկատվության տրամադրում թափուր աշխատատեղերի և զբաղվածության ծրագրերի վերաբերյալ
- միջնորդություն գործատուի մոտ աշխատանք փնտրելիս
- աջակցություն մասնագիտական կողմնորոշման և վերամասնագիտացման հարցում
- աջակցություն ձեռնարկատիրական գործունեության նախաձեռնության պարագայում
- ընդգրկում զբաղվածության ծրագրերում
- գործազրկության նպաստի նշանակում
- աշխատանքի տոնավաճառի կազմակերպում
- աշխատանքի ակումբի կազմակերպում:
Մեր կողմից ծառայությունները մատուցվում են բոլոր դիմողներին հավասարապես.
- Անկախ ազգությունից
- ռասսայից
- սեռից
- տարիքից
- լեզվից
- դավանանքից
- քաղաքական կամ այլ հայացքներից
- սոցիալական ծագումից
- գույքային կամ այլ դրությունից:
Ձեզ կտրամադրվի
- Հստակ, ամբողջական տեղեկատվություն և խորհրդատվություն,
- գործազրկության դեպքում uոցիալական պաշտպանության երաշխիքներ:
Կապահովվի
- Ձեր ազատ տեղաշարժի (ներքին եւ արտաքին) իրավունքը
- սիրալիր, քաղաքավարի, համբերատար, անկեղծ, պատասխանատու վերաբերմունք
- Ձեր անձին վերաբերվող տվյալների գաղտնիությունը:
Ի՞նչ ենք ակնկալում Ձեզանից
- Աշխատանք փնտրելիս լինել ակտիվ, հետևել մեր աշխատակիցների խորհուրդներին
- նախապես հրավեր ունենալու դեպքում տարածքային կենտրոն ներկայանալ ժամանակին
- հաշվառվելիս ոչ հավաստի տեղեկություններ չներկայացնել
- Ձեր կողմից ներկայացված տվյալների փոփոխության դեպքում տեղեկացնել զբաղվածության տարածքային կենտրոնին
- հարգանքով վերաբերվել զբաղվածության կենտրոնի աշխատակիցներին. նրանց աշխատանքը Ձեզ աջակցելն է
- արտահայտել Ձեր վերաբերմունքը և առաջարկություններ ներկայացնել Ձեզ մատուցվող ծառայությունների վերաբերյալ:
Ձեր կարծիքը մեզ համար չափազանց կարևոր է: Այն կօգնի մեզ բարձրացնելու ծառայությունների մատուցման որակը:
Դուք կարող եք Ձեր բանավոր կամ գրավոր բողոքները, ահազանգերը կամ պահանջները ուղղել "Զբաղվածության պետական ծառայություն" գործակալություն: Մենք երաշխավորում ենք, որ Ձեզանից ստացված արձագանքները մեկամսյա ժամկետում կքննարկվեն և ձեռք կառնվեն համապատասխան միջոցառումներ:
Կարող եք դիմել` փոստով 0069 Երևան Ուլնեցու 68, կամ էլեկտրոնային info@employment.am
|
